අවම වශයෙන් මසකට වරක්වත් සාමාජිකයින්ට සක්‍රමේන්තුව ලබාගත හැකි ආකාරය තීරණය කිරීමට ප්‍රාදේශීය නායකයින් උපදෙස් දෙනු ඇත
යේසුස් ක්‍රිස්තුස්වහන්සේගේ පසු-දවස්වල ශුද්ධවන්තයන්ගෙන් යුත් සභාවේ ප්‍රේරිතයන් දොළොස්දෙනාගේ ඝණපූර්ණය සහ පළමු සභාපතිත්වය 2020 මාර්තු 12 වන දින ලොව පුරා සභා සාමාජිකයින්ට පහත ලිපිය යවන ලදි
ආදරණීය සහෝදර සහෝදරියනි:
2020 මාර්තු 11 වන දින අපගේ ලිපියේ පොරොන්දු වූ පරිදි, ලොව පුරා COVID-19 හා සම්බන්ධ වෙනස්වන තත්වයන් අපි දිගටම නිරීක්ෂණය කරන්නෙමු. ප්‍රාදේශීය සභා නායකයින්ගේ, රජයේ නිලධාරීන්ගේ සහ වෛද්‍ය වෘත්තිකයන්ගේ උපදෙස් අපි සලකාබැලූ අතර, මේ කාරණා වලදී ස්වාමින්වහන්සේගේ මගපෙන්වීම අපි ලබාගෙන ඇත්තෙමු. අපි දැන් පහත සඳහන් යාවත්කාලීන උපදෙස් ලබාදෙන්නෙමු.
වහාම ආරම්භ වන ලෙස, සභාවේ සාමාජිකයින්ගේ සියලු ප්‍රසිද්ධ රැස්වීම් තවදුරටත් දැනුම්දෙන තුරු ලොව පුරා තාවකාලිකව අත්හිටුවා ඇත. මෙයට ඇතුළත්වන්නේ:
- ස්ටේක සම්මන්ත්‍රණ, නායකත්ව සම්මන්ත්‍රණ සහ වෙනත් විශාල රැස්වීම්
- සක්‍රමේන්තු රැස්වීම් ඇතුළුව සියලුම පොදු නමස්කාර සේවා
- ශාඛා, කොට්ඨාශ සහ ස්ටේක ක්‍රියාකාරකම්
හැකි සෑමවිටම, තාක්ෂණය හරහා අත්‍යවශ්‍ය නායකත්ව රැස්වීම් පවත්වන්න. නිශ්චිත ප්‍රශ්ණ ප්‍රාදේශීය පූජක නායකයින් වෙත යොමුකළ හැකිය. වෙනත් කරුණු සම්බන්ධ වැඩිදුර උපදෙස් ලබාදෙනු ඇත.
අවම වශයෙන් මසකට වරක්වත් සාමාජිකයින්ට සක්‍රමේන්තුව ලබාගත හැකි ආකාරය තීරණය කිරීම සඳහා සභානායකවරුන් තම ස්ටේක සභාපතිවරයා සමග උපදෙස් ලබාගැනීමට සාකච්ඡා කළ යුතුය.
දේවසේවා ප්‍රයත්නයන් වලදී එකිනෙකා ගැන සොයාබැලීමට අප සාමාජිකයින්ව දිරිමත් කරමු. අන් අයට ආශීර්වාද කිරීමට සහ ඔසවා තැබීමට අපි ගැලවුම්කරුවාණන්ගේ ආදර්ශය අනුගමනය කළ යුතුය.
මෙම අවිනිශ්චිත කාලය තුළ ස්වාමින්වහන්සේගේ ප්‍රේමය පිළිබඳ අපගේ සාක්ෂිය අපි දරන්නෙමු. සෑම අවස්ථාවකදීම යේසුස් ක්‍රිස්තුස්වහන්සේගේ ශුභාරංචිය තුළ ජීවත්වීමට ඔබේ උපරිමය කරන විට ප්‍රීතිය සොයාගැනීමට උන්වහන්සේ ඔබට ආශිර්වාද කරනු ඇත.
අවංක,
පළමු සභාපතිත්වය සහ ප්‍රේරිතවරුන් දොළොස්දෙනාගේ ඝණපූර්ණය