A remerredel er a omkiei er ngii a mo dmak e tibir el kmo ng mekerang ea rechedal a ikelesia a mo sebecherir el di ta el melai er a sakrament er a chelsel a ta el buil.
A Kot el Presidency me a Chelechad er a Teruich me a terung el Apostol er a Ikelesia er a Jesus Kristo er a Uriul-klebesei el Santo a ultebedii tia el babier ra March 12, 2020, el mo er a Rechedal a Ikelesia el meliuekl er a beluulechad.
Rodam me a Rodos,
Me sel yaksok el mla er a babilngam er a March 11, 2020, ea ki melemolm el omes a ngedechel a teletelel tia el COVID-19 el meliuekl er a beluulechad. Aki omtab a tekingir a remerredel er a Ikelesia er a omkiei er ngii, rechad er a amt, me a rebrobesong el toktang, e ulengit a ngesuil a Rubak me el omekrael er tia el teletael. Chelechang e aki mo olecholt a beches el teletael el bo moltirakl.
Ng kmal di mereched el omuchel, ea rokui el ongdibel er a Rechedal a Ikelesia a mo diak el telkib el taem el meliuekl er a beluulechad el di merekmong sel ki bom dung a ngerang el kirel. Tiang a uldimukl er a :
Stake conference, leadership conference me a bebil er a meklou el ongdibel
Rokui el temel a omeluluuch, el uldimukl er a sakrament miting
Omilil er a Branch, ward me a stake
Alsekum meng sebechel, e mruul a miting er kemiu el okiu a technology. A ker a sebechel monger el mo er a remerredel er a priesthood. A lmuut el otireklel a tekoi el kirel a a bebil er a tekoi a bo louchais.
A re Bisob a kirir el mo mengedecheduch el obengkel a merredel er a stake el kirel a kmo te mekerang a rechedal a ikelesia a mo sebecherir el ta el lolai e ra sakrament er a chelsel a ta el buil.
Aki olengit er a rechedal a ikelesia me bo el kaingeseu lomtebechel er a tang me a tang. Ng kired el oltirakl er sel okesiul a Osobel el mo omekngeltengat e olngeseu er a rebebil.
Aki ouchais a sioning er kemam el kirel a beltkil a rengul a Rubak er tia el taem el domdednger er ngii. Ngii a mo omekngeltengat er kemiu me bo el ngarngii a deureng er kemiu se el bo el blak a rengmiu el oltirakl er a ebangkelio er a Jesus Kristo er a chelsel a bek el teletael.
Tokubets el mla er a,
Kot el Presidency me a Chelechad er a Teruich me a terung el Apostol